Vi oppfordrer alle våre medlemmer om å bli med å gå i lag med idrottslaget si fane i barnetoget. 

Toget har sin vanlige start ved Solbakken omsorgssenter, oppmøte 1115 og toget startar klokka 1130. 

Vel møtt og gratulerer med dagen på vegne av heile fotballfamilien på Stranda. 

Damer 5.divisjon:

Ørsta 2 - Stranda 4-5 (2-3)

Mål: Adelen Langdal 2, Ine Aslaksen Hjelle 2 og Vilde Hjelle. 

Herrer 5.divisjon: 

Stranda - Blindheim 2-0 (1-0)

Mål: Jonas Flo og Daniel Aal Norangshol. 

Veke 21

Onsdag 20.mai: Damer 5.divisjon, Stordal/Ørskog/Skodje - Stranda 

Onsdag 20.mai: Herrer 6.divisjon, Stranda 2 - Ellingsøy

Torsdag 21.mai: Herrer 5.divisjon, Stranda - Sande 

Renex avdeling Stranda ved avdelingsleiar Beng Liif og butikksjef på Kiwi Stranda, Yngve Strand.

Fredag fekk vi hyggeleg besøk på Stranda Stadion.

Renex avdeling Stranda ved avdelingsleiar Beng Liif og butikksjef på Kiwi Stranda, Yngve Strand.

For ei tid tilbake så vart samarbeidsavtalar skrive under på at vi endeleg kan døype våre 3-er bingar med lokale aktørar.

Bane -og anleggsgruppa fekk montert skilta på begge bingane og vi kan no vise fram ein komplett aktivitetspark.

Bengt Liif seier det slik: « For oss er idretten den viktigaste arena og støtte»

Yngve Strand seier det slik: « Kiwi er stor sponsor for fotballandslaget til VM»

Det har vist seg å vere vanskeleg å beregne fryste pølser og brød. Noko som har ført til mykje matsvinn. Det har også vore eit ønske om å kunne tilby eit litt sunnare alternativ enn pølser. Etter tips frå våre frivillige har driftige kvinner i fotballgruppa kome med nyheita Strandatoast som består av grovbrød, smør, Strandaskinke og ost. 
Toasten vil vere tilgjengeleg i begge kioskane, også på kampar i barnefotballen.

Toasten var ein stor suksess på sist senior herrekamp, då det blei solgt heile 14 stk. Dommartrioen på kampen fekk servert toasten som kveldsmat før heimreise (sjå bilde)

Neste gong du er i ein av kioskane sjekk ut vår nye Strandatoast.

Prosess og forankring:
Stranda Fotball har i lengre tid brukt ein del ressursar på revidering av sportsplanen.
Den har vore «pussa» på i mindre justeringar nokre gongar etter pandemien, men ikkje i større grad på det totale innholdet.
Grunnen til at det har tatt ein del lengre tid enn planlagt er at vi hadde eit ønske om ei brei forankring noko som er gjennomført.
Så vart det bestemt at klubben skulle ha ny visjon som påfølgande gjer at tråden og samanhengen i sportsplanen er bygd opp utifrå denne visjonen.

I hovudtrekk er dette endra:
NY Visjon.
Hospitering: Revidert og ny definering av hospitering 12-19 år og Rullering 9-11 år.
Samarbeid; Fotball -vs-andre aktivitetar: Nytt avsnitt.
Tilrettelagt aktivitet: Nytt avsnitt.
Dommarutvikling; Nytt avsnitt.
Landslagskulen: Nytt avsnitt og justert det gamle.
Spesielle retningslinjer for prioriteringar av kampar i ungdomsfotball: Justert til dagens målsetjingar.
Samarbeid årskull: Nytt kort avsnitt.
Speletid: Nytt avsnitt under topping av lag.
Mål, tema og øktmodeller for barn og ungdom: Nye elektroniske linkar mot NFFs www.tiim.no
Anleggsflater, banestørrelsar og oppmerking: Nytt avsnitt.
Kart av anlegget og arenanavn: Nytt avsnitt.
Stranda sin utvalgte 11-er: Nytt tillegg.
Nye notat/endringar: Små endringar «her og der» ellers i planen.
Litteraturliste: Oppdaterte elektroniske linkar og spesielt www.tiim.no
Bilder – 4 stk bilder lagt inn under tema.

Kor finn eg SPORTSPLANEN:
Øverst på heimesida under fana klubbdrift og vidare Sportsplan i PDF format.

Endeleg kjem verdsmeisteren i fotballtriksing til Stranda! Tobias Becs er verdsrekordhaldar og fem gonger verdsmeister i football freestyle.

Heilt sidan Tobias Becs kunne gå hadde han med seg fotballen, over alt. Etter ti år med tradisjonell fotballaktivitet bestemte Becs seg for å satse på ein karriere som fotballfreestyler. Det har han aldri angra på! Den ekstraordinære ballteften har gitt han mange titlar både nasjonalt og internasjonalt. Triksaren er også godt kjend frå TV-programma Mesterens Mester og Skal vi danse.

På Storfjord kulturhus får du denne kvelden oppleve trikseshow til musikk, samt eit opplegg på scena med demonstrasjon og informasjon. Truleg vil han utfordre nokre frå publikum om å prøve seg på scena..! Etter showet kan du få ein prat, kanskje ein selfie med, og autograf, frå stjerna.

Gå inn på www.storfjordkulturhus.no og bestill billetter!

Totalt 18 trenarar frå Stranda og Sykkylven samla seg for teoridelen på klubbhuset på Stranda torsdag 26/2-26. Her var det gode faglege diskusjonar og mykje god teori frå Ronny Ødegård og Arnfinn Lødemel og sjølvsagt Grandiosa til kveldsmat. 

Tysdag 3.mars samlast vi igjen for praksisdelen i Sykkylven, før det i etterkant blir meir praksis i eigen klubb.

Ekstra gledelig er det at heile tre damer(alle frå Stranda) gjennomfører delkurs 4 og blir då ein del av dei få damene i kretsen/landet som sitt med alle 4 delkursa.  Vi gratulerer! 

Kva er grasrottrenaren tenkjer du kanskje?

Det er ei lisensutdanning over fire trinn. Primærmålgruppa for denne kursrekka er trenarar i barne- og ungdomsfotballen, samt dei som eventuelt har ambisjon om bli spelarutviklarar eller være trenarar i voksenfotballen. 

Hovudmålet er å tilegne seg kunnskap om fotballens verdigrunnlag og ei god sporsleg klubbdrift, i tillegg skal ein skaffe seg kunnskap om å ha gjennomføringskraft til å leie både spelarar, grupper og lag slik at trivsel og utvikling skjer både på og utanfor bana. 

Grasrottrenar 1: Barnefotballkurs (6-8 år)

Verdigrunnlag, klubben som sjef og trenaren som veileder er nokre av hovudfokusa her. 

Grasrottrenar 2: Barnefotball - flest mogleg med kvalitet (9 - 10 år)

Laget som ein del av klubben og NFF,keeperen,  Differensiering og spelets ide og ferdigsheitsdimensjonane er nokre av emna ein kjem innom. 

Grasrottrenar 3: Mot ungdom - lengst mogleg - (11 - 12år)

Overgangen frå born til ungdom, trenaren som veileder og medmenneske, forsvar-angrep og innlæring av delferdigheiter.

Grasrottrenar 4: 

Ungdomsfotballen sitt verdigrunnlag, prinsipp i angrep og forsvar, årsplanlegging og vegen mot toppen er nokre av delemna ein snakkar om.

I tillegg til fysisk teori og praksis må ein gå igjennom e-læring på nett. 

Stranda skal også i 2026 gjennomføre grasrottrenar 1, vi anbefalar alle våre trenarar å gjennomføre dette kurset. 

Aldersgruppe: 11-13 år (2015-2014-2013)

Tidspunkt: 1030-1200 Stranda Stadion

Målgruppe: Jenter og gutar uansett nivå og ambisjonar.

Ansvarleg: Christina Sve Hagen + hjelperessursar.

Vi har mål om at nokre av samlingane skal ha keeparopplegg i same tidspunkt.

Her er datoane som er planlagt – laurdagar:

April: 11.04 – 18.04 – 25.04

Mai: 09.05 – 23.05 – 30.05

Juni: 06.06 – 13.06

Har ditt barn lyst å være med? Følg linken under. 

Utviklingslaurdag si gruppe i Hoopit

Meir informasjon kjem til aktuelle lag.

Stranda fotball har diverre ikkje hatt ressursar til å oppdatere oversikta over talet på seniorkampar på kvinnesida for Stranda fotball sidan 2008.

Det er no gjennomført eit prosjekt som har hatt som mål å oppdatere denne oversikta.
Det er lagt ned fleire titals timar for å kome fram til dette resultatet.

Frå og med 2014 var alle kamprapportar lagt ut på fotball.no. Men i perioden 2009-2013 er det berre fysiske kamprapportar i arkivet til Sunnmøre FK som inneheld informasjon om spelte kampar frå denne perioden. Alle kampar med unntak av tre (to i 2010  og ein i 2012) er funnen og manuelt gjennomgått. Det same er alle digitale kamprapportar i åra 2014-2025. Dette betyr at spelarar i 2010 og 2012 potensielt kan mangle tre kampar i lista. Desse spelarane har fått ei stjerne (*) bak namnet sitt i lista.
Sunnmøre FK opplyser at dei har planar om å digitalisere alle fysiske kamprapportar frå denne perioden, og vi vonar då at dei tre manglande kamprapportane blir funnen slik at vår oversikt blir komplett. Om nokon har informasjon om laglister for senior kvinner i 2010 eller 2012, ta gjerne kontakt.

Oversikta er følgjeleg oppdatert til og med 31.12.2025. Fysiske kamprapportar er tilgjengelege dersom den enkelte spelar meiner ho har fleire kampar enn det som viser av oversikta frå 2009-2013. Kamprapportar frå 2014-2025 ligg i fotball.no. Dessverre er ikkje spelarprofilane på fotball.no rett for perioden 2014- ca. 2020, og ein må difor finne aktuell sesong og gjennomgå kamprapportane i fotball.no for å få full oversikt om ein har spelt i desse sesongane. Spelarar i sesongane 2021-2025 kan i stor grad stole på statistikken på sin spelarprofil i fotball.no

Stranda har i periodar hatt samarbeidslag med Sunnylven IL og ein sesong ilag med Stordal IL.

Det er berre spelarane som har vore medlem i Stranda IL som er registrert i denne oversikta.

Ta gjerne kontakt om det er spørsmål, vi ønsker at denne oversikta skal vere rett.

Ikkje minst vere til inspirasjon for at fleire jenter får sine første seniorkampar og kanskje runde 50 eller 100 kampar ein gong.

Kvinner som allereie har kampar til å spele nokre fleire for å få eit rundt tal.

Kanskje få fleire kampar enn mor, tanter eller andre. Forhåpentlegvis vil dette bidra til økt kvinnesatsing i klubben i åra som kjem.

Det var rekordoppmøte på årets julekos, då rundt 70 personar var innom klubbhuset.

Denne gongen fekk barna gåver og alle som kom var med i trekning av fine premiar. 

Eit enkelt koldtbord gjorde susen ilag med litt søtsaker til kaffen.

Arrangementet gir ein sosiale samankomst og skapar nye relasjonar på tvers av fleire mennesker i våre organisasjonar.

Det er kjekt med eit slikt arrangement som byggjer samhold og samarbeid i Strandasamfunnet. Takk til alle som møtte opp. Håper å sjå enda fleire til neste år! 

Beviset og pokalen fekk han utdelt på avslutningsfesten for senior i november.

Ein av trenarane Espen Hove på herrelaget ga han utmerkelsen medan DL i fotballgruppa Ronny Ødegård sa nokre ord til Ruben og begrunnelsen for prisen.

Ruben er den som har klart flest dommaroppdrag på Stranda Stadion i 2025.

Han har vore assistentdommar på mange ungdom -og seniorkampar iløpet av sesongen.

Spesielt Stranda 2 i 6.divisjon og damelaget i 5.divisjon + ungdomslaga 12-16 år har han mange oppdrag for.

Ruben er den pliktoppfyllande, blide og kjekke karen som gjer meir enn å ha linjeflagget i kampar.

Han kjem i god tid og hjelper til med å sette ut cornerflagg og mykje meir rundt kamparrangementet.

Når det er senior herrer i 5.divisjon der det er dommartrio, så er han fast på dommarmøte med vaffel og kaffe i forkant av kampane i ei sosial setting.

Ruben er ofte på bortekampar der han anten er med minibuss, eller set på i privatbil -spesielt har Erik Løfald tatt med Ruben på mange bortekampar.

Det er alltid liv og røre og mykje kjekke diskusjonar når vi er på tur.

Vi i Stranda Fotball hyller Ruben for sin tilstadeværelse og gode humør på Stranda Stadion fleire dagar i veka.

Vi ser fram til nye opplevelsar i sesongen 2026.

I tradisjons tru blir det arrangert julekos i romjula og ALLE er hjartleg velkomne! Vi har fått sponsa mykje god mat og gler oss til å lage eit flott koldtbord med smakfulle rettar. Kanskje ventar det ei lita julegåve også akkuart til deg! Kom innom, slå av ein god prat og få deg litt mat. Håper vi sjåast!

Apparatet for 2026:

Espen Hove og Cato Andersen tok over etter vårsesongen 2025. Det vart ein svært positiv haustsesong.
No er det klart at Espen vert hovudtrenar og Cato assistenttrenar. Dette er klubben godt nøgd med.

Hovudtrenar: Espen Hove
Assistenttrenar: Cato Andersen
Utstyransvarleg: Fredrik Fausa
Hjelperessurs: Magnus Sturk
Ansvarleg herrer 2: Henrik Johnsen

Det kjem inn fleire rundt laga som gode ressursar etter kvart.

Spelarstallen:

Det ser ut som alle fortsetter. Det som også er svært positivt er at herrer 1 og herrer 2 samarbeider tett og har mykje felles sosialt.
Vi jobbar med stallane framover. Storskorar Jonas Flo har tidlegare vore ute med ei krevjande skade, men blir no med frå start i 2026! 

Dessverre så vert det ikkje G19 i 2026, men dei spelarane som vanlegvis høyrer til her vert inkludert i A-stall og B-stall.

Laget hadde ei kjekk avslutning på 2025 med årsfest der ulike prisar blei delt ut. 

Årets spelar: Levi Habostad (yngste gjennom historia)
Toppskorar: Jonas Flo
Treningsprisen: Anders Kirkhorn
Grip Sjansen prisen: Henrik Johnsen

Antall kampar:

Robin Aal Norangshol – 150
Anders Lie Kirkhorn – 150
Daniel Aal Norangshol – 100
Aagash Nistularajan – 100
Leo Bjørdal – 50
Jakob Fjellanger – 50

5.divisjon 2026:

Stranda – Sykkylven – Aksla – SIF/Hessa – HaNo – NTNUIÅ – Giske – Emblem – Blindheim

Hasundgot – Volda2 – Sande

Historisk:
Årleg møte i fotballgruppa stod for eit historisk augneblikk – då Astrid Elin Håseth vart valgt til den første kvinnelege styreleiaren i historia.

Astrid Elin tar over stafettpinnen frå Tommy Sandø som har heile 11 år i fotballstyret og siste fem åra som styreleiar.

Årlege møtet:
Først til det Årlege møtet der det var 18 personar tilstades og påfølgande god stemning.

Årsmeldinga viser stor aktivitet gjennom heile kalenderåret.

Både sportsleg aktivitet, ulike arrangement og samfunnsansvaret som vi er evige stolte av.

For å «bevege seg» kvar dag i vår organisasjon så krever det rundt 120 valgte voksne ressursar. I tillegg kjem alle foreldre til våre 310 aktive.
Årlege møtet i fotballgruppa er underlagt Stranda IL sitt Årsmøte i mars 2026.

Styret i Stranda IL Fotball:

Leiar: Astrid Elin Håseth – 2026-2027
Nestleiar: Torbjørn Langlo – ikkje på val  (set også i styret til Sunnmøre Fotballkrets)
Medlem: Espen Hove – ikkje på val
Medlem: Tonje Beate Årvik – ikkje på val
Medlem: Siw Linda Kvame – ikkje på val
Medlem: Endre Kjølås – 2026-2027
Medlem: Nils Erik Espelund – 2026-2027 (ny)
Medlem: Kristoffer Joranger – 2026-2027 (ny)

Lang fartstid:
Tommy Sandø som ikkje har hatt barn med i fotballgruppa på over ti år har vore ein enorm ressurs i mange år i fotballgruppa.

Først som trenar/lagleiar for sine døtre, så fotballskulegeneral og delaktig i mange små og store arrangement.

Seinare inn som styremedlem i fotballgruppa og dei siste fem åra som styreleiar.
Men; ja heldigvis så vil JA personen Tommy forsatt bidra på ulike arena i fotballgruppa, men ikkje i styret.

Styremedlem Siw Linda Kvame «takka han av» med flotte ord om Tommy som person, motivator, humør, ståpåvilje og dedikasjon.

Kvinne til roret:
Om Astrid Elin Håseth setter kursen mot babord eller styrbord side får vi sjå etter kvart.
Vi må nok tole både solskinnsdagar og at det blæs opp til storm i ein stor frivilleg organisasjon.
Så håper og trur vi at det vil vere aller mest av sol, blå himmel, vindstille, fuglar som kvitrar og eit brennande positivt engasjement inn i dei nye sesongane.
Vi får først og fremst ein strukturert og engasjert styreleiar inn som ansvarleg for styret.

Ho har allereie vist oss gode leiareigenskapar på mange områder. Vi gleder oss til samarbeidet.

Så er Håseth historisk i eit kvinneperspektiv når det gjelder vervet i Stranda Fotball.

Stranda IL har hatt ein kvinneleg styreleiar i 2005 og 2006 då Anne Lise Karlsen hadde vervet der.

Komplementert styre:

Styret i Stranda Fotball vil no ha åtte personar med ulike fagansvar som vi håper vil stette krava i organisasjonen.
Både kontinuitet og nyrekruttering dannar eit fagleg sterkt styre.

Ikkje minst vil nye strategidokument vere pådrivar i korleis vi styrer klubben i framtida.

Vi er i stadig utvikling – så få vi håpe kondisjonen er på topp.

Ny VISJON:

Det har i over eit år vore ein plan å endre Visjon til fotballgruppa.

Kvifor? Den gamle er for lang og vanskeleg å både huske og stette under aktiviteten kvar dag.

Vi ønsker ein ny som er AKKURAT det Stranda Fotball og Stranda tettstad kan dekke seg bak i åra som kjem.

Vi ønsker å vere ein del av ei spennande utvikling i Stranda og vere pådrivar og referansesetter i mange samfunnsoppdrag.

Derfor er det ei glede at styret kan presentere den nye Visjonen:

«Frå Denne Stranda kjem verdens beste fotballklubb»

Meir om  denne nye Visjonen vil kome i påfølgande informasjon om strategidokumenta til fotballgruppa etter nyttår ein gong.

Mvh.

Langpasning inn i framtida
Ronny Ødegård, dagleg leiar

Alle spelarar i klubben er i full gang med loddsalget og vi håper du har lyst å støtte oss også i 2025. I tillegg vil vi dei neste to helgene selge lodd på butikkane.

Pris og betaling:

Lodda kostar kr.100,- og VIPPS til; 103906 – merka adventlotteri.

HUSK: Legg inn lodd nummer i teksten.

Premier:

Vi trekker 3-4 stk premier kvar dag i heile perioden 1.desember til 24.desember.

89 premier som er sponsa av våre fantastiske samarbeidspartnarar.

Vi TAKKAR desse så mykje for denne støtta.

Mange av premiane har høg verdi – slik at ein kan seie det er mange «hovudpremier» fordelt på trekningsdatoer.

Trekking:

Kvar dag i perioden 1-24.desember vil det leggast ut kven som er vinnarar.

Vinnarane får bringa premien sin eller det vert avtalt direkte med vinnar.

Loddet er med i trekninga kvar dag i heile perioden.

Takk til alle som selger lodd og ikkje minst alle som kjøper lodd.

Styret i Stranda Fotball

Sjå eigen invitasjon som ligg vedlagt som PDF i denne saka. 

Velkommen til årleg møte i Stranda Fotball. 

Alle lag frå 6 år og opp til 12-årslaga hadde si avslutning på sesongen denne kvelden! Alle lag hadde på førehand valgt seg ut sin eigen sang som blei spelt når dei kom fram til trampeklapp frå resten av salen. Alle spelarar fekk utdelt velfortjent heder for ein godt gjennomført sesong i form av ein pokal. I tillegg fekk ein med seg noke snop og ein is på veg ut døra! 

Styret i Stranda Fotball vil med dette takke alle lagleiarar og trenarar for ein meget godt gjennomført sesong, og vi tek no fatt på evalueringsmøter med alle lag på kva som kan bli betre og kva som var bra i 2025. I tillegg vil vi takke alle våre spelarar som har representert Stranda på ein framifrå måte gjennom heile sesongen, vi gleda oss til 2026! 

PS! Beklager ikkje altfor gode kvalitet på bilda, då det var dårleg lys og i tillegg var litt vanskelig å få alle til å sjå i samme retning.. 

Stranda Fotball vil takke spelarar og støtteapparat for ein flott sesong.

Under kan ein lese støtteapparatet sine ord etter avslutningsfesten.

Årets avslutningsfest for damelaget vart avhalden sist laurdag (25. oktober)

Det vart ei fin markering etter ein sesong der laget enda på 3. plass i 5. divisjon.

Vel fortjente prisar vart tildelt som vi ser på bildet;

Eline Langlo (Grip sjansen) – Vilde Hjelle (treningspris + Årets spelar) – May Linn Kvame (toppscorar)

Takk for sesongen til alle som har delteke på trening og kampar.

Til alle som har lagt ned arbeid med tilrettelegging for laget og eit godt samarbeid med ansvarlege for jenter16.

Og til sist eit ønske frå årets trenar/støtteapparat; håper alle spelarar vil halde fram, med god plass

til fleire nye; Stranda treng og vil ha eit damelag

Takk for i år !

Trenarar/støtteapparat  

Tross i forfall frå enkelte lag i dagane inn mot laurdagen, var det heile 14 lag som stilte til start. Her var det godt vaksne folk og nokre "ungdomslag", ein fekk oppleve mykje latter, ein god del frustrasjon og nokre småskader.  Det var vel kanskje stafetten og øvelsen "Roar Strand" som sytte for dei fleste strekkane som kom på stadion denne dagen.  I motsetning til 2024, var det i 2025 satt fokus på at alle skulle delta i alle øvingar, dette gjorde at ein ikkje kunne "snike" seg unna og at ein måtte tåle ein god del kommentarar på elendige gjennomføringar(dog med ein god dose humor). Værgudane var også på plass og det blei ein flott dag på stadion. 

Dagen blei avslutta på Storfjord Kulturhus med strandabord og Strandaquiz, tilbakemeldingane var at quizen(les musikken) var av det vanskelige slaget. Når i tillegg quizen telte dobbelt opp med poeng, var det knytt stor spenning til kven som blei ståande igjen som vinnarar! Gjennom quizen blei ein losa gjennom resultata frå stadion i bolkar og spenninga var til å ta å føle på!  

Men etter 16 øvelsar var det til slutt "ungdommane" NO SWEAT GIVEN som sto igjen som vinnarar!,  på delt andreplass kom fjorårsvinnarane Eventyrgutta og The Dubliners 2.0. 

Arrangørane vil takke alle frivillige og alle deltakarar for ein fantastisk dag, og vi håper ALLE er med igjen i 2026! Ein har også ei klar oppfordring til både den yngre og den eldre garde om å skaffe seg eitt lag, for det heile blir endå betre neste år! 

Samtidig vil Stranda Fotball sitt styre rekke ein stor takk til arrangørane for eitt flott arrangement, dette står til terningskast 6!! 

Spelet har fleire av Stranda tettstad sine ærverdige bedrifter med.

Sunnmørsspelet er ei fin gåve/julegave eller til kosen i heimen rundt bordet.

Pris: Kr.550,-

Vipps: 103906 à Stranda fotballgruppe – kategori er Sunnmørsspelet

Spelet hentast på klubbhuset til Stranda IL.

Kontaktperson: Ronny Ødegård. E-post. ronny@strandafotball.no 

Onsdag tek Sykkylven 2 turen til Stranda Stadion, kampstart klokka 1900! Stranda 2 er i form og vi satsar på tre poeng denne kvelden. 

Torsdag er det klart for nok eitt nabooppgjer når nabokommunane barka saman også i 5.divisjon. Hittil i år har det vore stor forskjell på laga, Sykkylven ligg på 2.plass og kan fort ta steget opp i 4.divisjon, mens heimelaget har hatt det blytungt og ligg heilt i botnen og stor i fare for å rykke ned.  Heldigvis er ballen rund og i eitt lokaloppgjer kan mykje skje. 

Vi ønskjer laga lukke te og håper 6 poeng blir værande igjen på Stranda. 

Stranda fotball har hatt som tradisjon og arrangere fotballskule siste helga før skulestart, etter ein lengre pause er vi no inne i vårt tredje år på rad.  Ei knallkjekk helg som gir born og vaksne mykje glede! Under er nokre punkt frå helga: 

• 110 deltakarar i alderen 6-12 år.
• 20 av desse besøkande frå naboklubbar.
• Rundt 30 frivillege i sving begge dagane.
• Blide og engasjerte deltakarar.
• Trening, kampar, mat, sosialt, hoppslott, proff besøk mm.
• Flott fotballskulevær begge dagane.

Fotballgruppa inviterer til ny fotballskule i august 2026.

Stranda Fotball inviterar også i 2025 til Mesternes Mester på Stranda Stadion!

Treng du ytterligare informasjon? Trykk her! 

Det starta så bra for jentene torsdag ettermiddag og dei tok tidlig ledelsen mot amerikanerane, men på nokre få minutt midt i første omgang snudde det totalt og plutselig fekk ein 3 baklengsmål. Dette resultatet sto seg til pause, ein jamnspelt andre omgang enda med nok eitt amerikansk mål og 4-1.

Jentene har gjort ein heroisk innsats gjennom heile turneringa, og bær være stolte av seg sjølv. 

Totalt sett så har nok alle laga til Stranda kosa seg på Stranda, sjølv om resultata har variert litt. Eitt av dei viktigaste aspekta med denne turneringa er ikkje berre fotballen, men det sosiale ein får oppleve gjennom ei heil veke i Oslogryta. Nye vennskap blir skapt og nye minner blir lagra i banken. 

Takk for superunderhaldning gjennom heile veka, og hugs at det er ikkje lenge til haustsesongen startar! 

God tur heim!

J16 tek seg relativt lett vidare etter å ha slått Stag SPKL 3-0 torsdag morgon.  Full kontroll gjennom store deler av kampen, webansvarleg fekk ikkje med seg det første kvarteret av kampen, men resten av kampen kan han med stor sikkerhet sei at jentene hadde full kontroll.  Eitt fyldigare referat rekna vi med kjem frå trenerapparatet etter 8-delsfinalen i ettermiddag. 

På motsatt banehalvdel står det amerikanske laget Eden Prairie Soccer Club, vi ønskjer jentene lykke til! 

G-19

Stranda sine juniorar møtte Strindheim Fotball 3 klokka 1000 i dag og vann ein jamnspelt kamp 2-1.  Laget er dermed vidare til 16-delsfinalen, der Valdres står på motsatt banehalvdel seinare i dag klokka 1845. Lykke til gutar! 

Juniorlaget møtte onsdag kveld Valdres til ein tett og jamn kamp, tilbakemeldingane frå trenarteamet er at dette er ein kamp Stranda hadde vunne greitt om ein hadde vore litt meir effektiv foran mål. Men dessverre blei det eitt meget surt eitt-målstap og gutane sitt NC-eventyr er over for denne gong. 

G-16

Stranda sitt G16-lag møtte Fløy Fotball i dag klokka 1100, ein jamnspelt kamp endte dessverre med eitt surt 3-2 tap og Norway Cup eventyret er dessverre over for denne gong. 

Strandafotball.no kjem med ei ny oppdatering i morga etter at J16 har spelt sin kamp! Vi ønskjer jentene lykke til :) 

G16 - 7er

Etter to uavgjorte og eitt tap i gruppespelet, endar G16 på 3.plass på tabellen og går dermed vidare i B-sluttspelet.   Motstander i 16-delsfinalen i morga onsdag klokka 1100 er Fløy - Fotball! Vi ønskjer gutane lykke til! 

G19 - 11er 

Etter ein uavgjort og to tap endar Stranda sist på tabellen og går dermed inn i B-sluttspelet. På motsatt side i 32-delsfinalen står Strindheim Toppfotball 3 i morga klokka 1000. Lykke til gutar! 

J16 - 11er

Etter ein siger, ein uavgjort og eitt tap endar Stranda på 2.plass på tabellen, med eitt plussmål betre enn Dahle/Nordlandet. Dette gjer at Stranda går vidare til A-sluttspelet og møter der STAG,SPKL klokka 0800 torsdag. Jentene får då ein kviledag i morga onsdag.

Under følger ein aldri så lita oppsummering frå trenarane sjølve etter tysdagen! 

Stranda J16 er klar for A-sluttspelet!

Tysdag 29.7. spelte jentene siste gruppespelskamp og den endte 1-1 mot Dahle/Nordlandet. Jentene var skikkeleg på frå start, og spelte glimrande dei første 20 min. Emilie Rødseth sette inn 1-0 etter eit glimrande angrep, og Stranda hadde mange gode sjansar til å skåre fleire. På overtid av 1. omg., så vart det litt rot i eigen boks etter ein corner, og 1-1. Flatterande. 2. omg. så produserte Stranda endå fleire gode sjansar, og burde ha avgjort kampen, men litt slurv i avslutning eller siste pasning, så vart det ikkje fleire mål. Full kontroll bakover, og kontrollerte inn 1-1 og uavgjort, og jentene er dermed fortent vidare til A-sluttspelet. Fri i morgon, og 1. kamp i A-sluttspelet på torsdag kl. 08:00 på Ekeberg.

Strandafotball ønskjer alle våre lag lykke til i kampane både i morga onsdag og torsdag! 

NC - J16

Søndag 27.07.

Harestua - Stranda. 7-1

Møtte eit særs godt og hardtsatsande Harestua-lag, som gav jentene i ein leksjon i fin fotball med stor fart og bevegelse, så her vart Strandajentene eit par nummer for små.

Måndag 28.07.

Stranda - Geilo 10-0.

TV-sendt kamp, der jentene fekk vise seg frå sin beste side. Mykje bra spel, fine kombinasjonar og god innsats av samtlige spelarar, så i denne kampen var det Stranda som var eit par nummer for stor i forhold til motstandaren.

Bilder frå før kampen mot Geilo, der dagens kaptein, Amalie Rusten, delte ut vimpel, MEN også spekematprodukt. Stranda J16 takkar Grilstad for sponsing av spekemat, og moglegheita til å halde i hevd ein gamal tradisjon - gi motstandarane «ein smak av Stranda».

Vi ønskjer jentene lykke til med siste gruppespelkamp!

Dei tre laga som har tatt turen er J16, G16 og G19. Sjå under for å sjekke ut kven dei ulike laga møter.

J16 (11er)

Stranda sitt J16-lag møter Harestua IL, Dahle/Nordlandet og Geili/HFK.

G16 (7er)

Stranda sitt G16-lag møter Malvik/Hommelvik, Lambertseter IF og Hammerfest IF Stein.

G19 (11er)

Stranda sitt G19-lag møter KFUM - KAM, Trio IL og Astor Fotballklubb. 

Vi kjem med oppdateringar utover veka. Har litt problemer med at webmaster er på ferie med dårlege internettforhold. 

Først var målet å få plass eiga garasje og reidskapshus – dette var ferdigstilt i 2021.

Så skal kostnader dekkast inn.

I neste fase så veit alle den lange prosessen om nytt kunstgras på hovudbana. Vi måtte vente til dekke var på plass før ein kunne velge produkt utifrå behov.

Prosjekt traktor med utstyr har pågått i heile vinter der ein har hatt mange møter med leverandører og anbud.

Til slutt så landa ein på utvalgte produkt: Bestilling i april og levering i juni.

- John Deere traktor.

- Snøfres.

- Snøskjer.

- Vedlikeholdsmaskin.

- Sloddemaskin.

Alt av vedlikehald på hovudbana vert loggført i ein eigen app som lagrar data opp mot leverandør.

Dette går på brukstimar, vedlikeholdstruktur og garantier mm.

Utstyret gir moglegheiter for heile anlegget vårt som vi ikkje har hatt på plass tidlegare.

Stranda Stadion har stor belastning/brukstimar både dag og kveld i kjernesesong – så ein er heilt avhengige av skikkeleg utstyr.

Driftkostnadane er også store for anlegget og dei vil verte høgare etter denne investeringa (drivstoff, service, forsikring osv)

Kostnaden er høg og kjem på 1,4 million. Stort løft for fotballgruppa aleine.

Målet er å få dekt inn 80% av kostnaden eller helst 100%,  fotballgruppa har benytta litt av eige anleggsfond.

Hovudsponsor Sparebanken Møre har allereie gitt signal om ei gave på kr.500.000 som dekker rundt 35% av kostnaden.

Dette er vi særdeles stolte og glade for. (sjekk bilde av traktor og hovudsponsor) Eiga sak seinare.

Vi vil få ein liten andel momskompensasjon.

Fotballgruppa er på jakt etter gode prosjekt som gir meir inntekter til denne store investeringa

Espen Hove og Cato Andersen har vore assistentar under hovudtrenar Olav Martin Amdam i 2025.

Amdam og Stranda Fotball var enige om å avslutte samarbeidet etter seriekampen 12.juni.

Det er ingen dramatikk i denne avgjerdsla då Amdam hadde over tid har følt på at han ikkje klarte å tilføre laget meir energi og utvikling.

Etter ei totalvurdering så vart Amdam og fotballgruppa enige om å skille lag som gode venner.

Amdam vil nok vere Strandapatriot vidare og bidra på enkelte arrangement i klubben.

Siste to seriekampar hadde Hove og Andersen ansvaret. I den siste kampen borte mot Aksla kom også den første sigeren.

Stranda står med fattige 4 poeng, men trua er på plass til haustsesongen der ein håpar på ein sterkare tropp og  meir stabilitet på trening.

Stranda har også sju av elleve kampar på heimebane.

Hove og Andersen tar laget ut haustsesongen og vil få ansvaret for trening, kamp, planlegging og oppfølging.

Som ressursar rundt laget har vi Fredrik Klokk Fausa og Magnus Sturk.

I tillegg til A-lag herrer i 5.divisjon så har vi Stranda 2 i 6.divisjon og G19 3.divisjon.

Henrik Johnsen har bidratt rundt 6.divisjonslaget og her vil vi styrke apparatet til hausten.

Cato Andersen og Frode Rusten har hatt G19 laget, der Rusten også har G16 laget og hovudansvaret for treningsgruppa G16/G19.

G16 og G19 skal også delta på Norway Cup.

Vi ønsker Hove og Andersen lykke til med senior 1 til hausten og vi ser fram til ein spennande haustsesong.

Endre Kjølås, sportsleg leiar og Ronny Ødegård, daglig leiar

Fire strandajenter tok del i fotballtalentsamlinga Premier Patways i Sykkylven, søndag 29.06.25.

Ca. 30 jenter frå heile Sunnmøre tok del på samlinga, og frå Stranda var det spelarane Adelen Langdal, Amalie Rusten, May Linn Kvame Slaaen og Ine Aslaksen, som tok del og fekk ny inspirasjon frå gode engelske trenarar. Trenarane har bakgrunn frå Premier League- og Championship, som Tottenham, Manchester United, Brighton, QPR og andre.

Primus motor for opplegget, er Sykkylven sin eigen fotballspelar og triksedronning, Charlotte Lade Rogers.

Det var samling for gutane dagen før, og frå Stranda deltok Luca Engeset Sanchez, Adnan Hammouta, Emrik Vågsæter. Niklas Sturk Lyse og Christoffer Heggen.

Vil du vite meir om opplegget rundt, besøk linken under

https://www.showcase.premierpathways.no/

J14 med BRONSE i Lerum Cup!

Siste året på Lerumcup gav J14 ei absolutt godkjent avslutning på denne turneringa! Dei var nær i fjor, då rauk dei på antal corner, men i år vart det gløymt! Turneringa sitt einaste tap kom mot sjølvaste Sogndal i semifinalen, og 0-1 smakte ekkelt nok, trass i at Sogndal kom og sa det var den tøffaste motstanden dei hadde hatt i turneringa. Det seier litt om våre jenter, når Sogndal vann klassa!

Innleiande kampar starta laurdag i strålande sogne-sol og 5-0 sigrar mot både Masfjord FL og Fri IL. Her kom det Strandaskåringar frå jenter som ikkje hadde skåra sidan Tarecup! Søndag spelte ein mot Askvoll, 1-1. Dette førte Stranda J14 rett til kvartfinalen, der Masfjord 1 vart motstandar i regnet på Fosshaugane. Med 1-0 gjekk ein då vidare til semifinale mot nemnte Sogndal. Tapet der førte Strandajentene til bronsefinale mot Sykkylven, samstundes som Strandagutane spelte G14-bronsefinale mot Hødd på same bana. Godt med heiagjeng i Sognehallen, med andre ord. Nabooppgjeret i saftbygda enda med 2-0 til Stranda, og ein velfortent tredjeplass i turneringa. Knallslutt for Lerumcup-tida og knallstart på sommerferien! Gratulerer!

Skåringar: 

Stranda-Masfjord FL 5-0 (Julie Hagen 2, Amina Gravesande, Bali Brunvær, Lisa Løken)

Stranda-Fri IL 5-0 (Amina Gravesande 3, Ada Nordstrand 2)

Stranda-Askvoll 1-1 (Lisa Løken)

Stranda-Masfjord 1 1-0 (Julie Hagen)

Stranda-Sogndal 0-1

Stranda-Sykkylven 2-0 (Julie Hagen, Guro Blindheim)

Maria Furset, lagleiar Stranda J14

G14 tapte bronsefinalen marginalt!

Stranda sitt lag gjorde ein meget bra figur under årets turnering.

Dei spelte seg fram til semifinalen i A-sluttspelet etter å ha vunne 1-0 mot Odda.

I semien tapte Stranda knepent 2-1 mot Volda.

I bronsefinalen tapte dei 1-0 mot Hødd.

J13 tapte kvartfinalen.

Vårt J13 lag tapte kvartfinalen mot Langevåg/Sula etter å ha vunne kampane for å kome til A-sluttspelet.

Desse jentene fekk god erfaring gjennom mange kampar.

G12 imponerte:

Stranda sitt G12 lag spelte seks (6) kampar og fekk vist seg fram frå si beste side.

Vi skapar ikkje resultat, men laget imponerte med solid spel i tre dagar.

Ta turen på stadion både tysdag, onsdag og torsdag, eller ta turen til Ratvika torsdag for å sjå siste vårkampen til 5.divisjon herre. 

Tysdag: Stranda sitt G16-lag møter Sykkylven på Stranda stadion klokka 1900. 

Onsdag: Stranda sitt damelag i 5.divisjon møter Sula/Langevåg på Stadion klokka 1900. 

Torsdag: Stranda sitt G16-lag møter Rollon/Guard på stadion klokka 1900. 

I tillegg spelar herrelaget sin siste vårkamp torsdag klokka 1900 på Ratvika stadion. 

Følgjande er tatt ut til bylag og kretslag denne hausten: 

Kretslag J15: Amalie Rusten og Adelen Langdal

Kretslag J14: Ine Hjelle Aslaksen

Bylag Ålesund gutar: Mohammad Hammouta og Ole Petter Søreide

Bylag Ålesund jenter: Nikoline Habostad Eliassen og Saga Solari Boldsen. 

I tillegg er Amalie Rusten tatt ut i Toppgruppe jenter. 

Stranda Fotball ønskjer alle lykke til!

Stranda Fotball sin fotballskule har vore velkjent i indre strøk, og vi tok opp igjen tråden for nokre år sidan etter fleire års paise. Dei siste to åra har det vore godt med besøk og vi håper fleire tek turen også i 2025. 

Vi kan friste med knallgode treningsøkter, mykje sosial moro og aktiviteter også utafor treningsfeltet! Hoppeslott blir det også i 2025. 

Så hiv dokke rundt og meld dokke på, meir info finn dokke under ei eiga side her på nettsida! Berre trykk på linken under:

Tine og Tussa fotballskule!

Stranda Fotball har det siste halve året jobba med å oppgradere heimesida. Den er fortsatt under utvikling, så viktig at ein har litt tålmod. Spesielt historiedelen er frykteleg mykje jobb, men det kjem snarast råd! 

Ta kontakt med webansvarleg om du har eventuelle spørsmål til oppdateringane som har blitt gjort.