Stranda Stadion: Heile Stranda Stadion anlegget er STENGT frÄ fredag 23.juli og framover pÄ ubestemt tid! Grunnen er at firmaet som skal legge tartandekke ikkje skal ha noken form for aktivitet eller folk inn pÄ anlegget i denne perioden!

Fredag 23.juli startar arbeidet med Ä legge tartandekke. Skulle alt gÄ etter planen, spesielt med vÊret sÄ gÄr dette pÄ ei veke (7 dagar) MEN det kan gÄ fleire veker om vÊret ikkje spelar pÄ lag. Dette vil vi informere om etterkvart som arbeidet og dagane gÄr.

NB! ALLE som skal trene eller innom anlegget mÄ halde seg pÄ utsida! Fordi rusk, granulat, stÞv og alt som kan verte liggande pÄ lÞpebana ikkje skal forekome. Dei mÄ ha reine arbeidsforhold med denne type arbeid heile anleggsperioden.

Vi hÄper alle respekterer dette!

Alternative treningsareal vil kvart lag mÄtte finne ut av sjÞlve i denne perioden, dette gÄr nok bra. For enkeltspelaren sÄ kan du bruke FlÞten Park.

Vi takkar dei som bidrog heile torsdag kveld pÄ dugnad slik at vi kunne ta imot Polytan rundt kl. 1930. I tillegg til ein del kreativt arbeid fekk vi mykje skÞy, spesielt nÄr vi kommuniserte med dei fire Kroatarane i firmaet.

Fredag 23.juli frÄ kl. 1730 sÄ hÄper vi at noken kan bidra til meir vedlikehald og rydding slik at arbeidet kan starte for fult. Nils Espelund vert der og viser kva som skal gjerast.