Nils Petter Dyrkorn vart kåra til “årets spelar” for A-lag herrer på den årlege fotballfesten på Stranda Hotell lørdag kveld. Dyrkorn kunne ta imot strutekanna som Olav Slettebakk har laga til prov på utmerkelsen. Vi vil alle støtte oss til jobben Nils Petter har utført i år og gratulerer han med ein flott sesong:)

Nils Petter har spelt sin første sesong for Stranda i år. 35 åringen har spelt seniorfotball for Ørskog og Stordal den meste av tida.

No bur han på Dyrkorn i stordal og har pendla til trening og kamp.

Trener Leidulf Årvik sa at han har vore ein matchvinnar i begge endar av bana i år, noko Årvik får full støtte for.

Dyrkorn kunne fortelle at han hadde hatt eit flott år på Stranda ilag med seriøse og ambisiøse spalarar. Det han ville ta fram som det viktigaste var miljøet og mange på kvar trening.

Han vil vurdere om han tek eit nytt år på Stranda i tida framover. Lysta har han om gardsdrifta og alt det andre kan kombinerast.