Den anvendelege og hardtarbeidande midtbane-/forsvarsspelaren Martin Espelund har takka for seg på A-laget for inneverande sesong.

Martin Espelund skal ikkje spele vidare for Stranda i 2005.

Espelund er for tida i sjøforsvaret, og er stasjonert ved Haakonsvern i Bergen. For å få anledning til å trene/spele nokre kampar i haustsesongen, har Espelund skrive under for 5.divisjonsklubben Kjøkkelvik.

Strandafotball.no ser ikkje dramaet i denne overgangen, då Espelund garantert er tilbake i A-stallen når sesongoppkøyringa til fotballåret 2006 startar - når han er ferdig i milit&aellig;ret.
Vi ønskjer den sympatiske spelaren lukke til i sin nye klubb, vi skal prøve å halde lesarane våre oppdaterte på framgangen til laget hans!

PS! Av meir “kjende” namn på Kjøkkelvik kan vi nemne at bror til Isabel Blanco (strekspelar på handballandslaget for kvinner) er i a-stallen…